An KreyòlIdées & RéflexionsNAK Navalnetalkole

Atis yo ap reklame 3 jou gra pa yo

Credit : Ticket Magazine
Credit : Ticket Magazine
232views

Atis yo pa janm mete yo ansanm pou yo fè  yon « Assiyasion » pou leta o mwens ta ba yo valè, pou fè respekte dwa dotè.

Men kounye a yo asosye yo pou yo defann 3 jou gra nan yon peyi  kote pifò moun nan popilasyon an paka manje yon pen pa jou, e kote fatra ak ensekirite se sèl kòk chante. Se grav.

Pandan pèp la toujou solidè ak atis yo lè yo nan moman difisil nap mande nou èske solidarite sa a resipwòk ?

Se pandan popilasyon an pran lari pou reklame ti kal chanjman nan kondisyon legzistans li se lè sa a atis yo menm deside pran kontre pye pou mande respekte 3 jou gra pa yo a ki pa janm pote anyen an reyalite pou peyi a ke kanpay denigreman kont medam yo, vyolans, elatriye.

Aprè konferans pou laprès lawont anpil atis bay jou kit e  28 fevriye 2019 la pou egzije fè kanaval malgre lajan ki te nan bidjè pou sa ta sanble ap reyafekte ak kèk lòt sèvis kap plis itil popilasyon an, sa pouse m mande m èske atis sila yo marye avèk popilasyon an vreman? Eske yo konsyan de mizè pèp Ayisyen an ap pase anba lavi chè , anba dola ameriken kap moute ki redui konsiderableman kapasite dacha yo??

Antouka mesye mizisyen nou yo ini vwa yo ansanm pou mande leta pa okipe pèp kap plenyen pou mizè, ba yo kanaval pou yo fè kòb yo,paske depi se enterè yo yap defann zafè majorite a.

Dapre denye rapo ki soti gen 2.6 milyon moun ki nan ensekirite alimantè an Ayiti nou bezwen anviwon 58.9 milyon dola pou ka ede 1.1 milyon moun anplis ki vinn vilnerab an 2019. Atis yo genlè pa konsyan de sa?

 

 

Leave a Response