+509 41 21 7131 revitallynch@netalkole.com
AN KREYÒLInternationalnetalkole

AN-KREYÒL – Brésil : Jij Federal ki te kondane ansyen prezidan Lula pran fonksyon nan kabinè Prezidan Jair Bolsonaro

Sergio Moro

Deziyasyon jij, Sérgio Moro, ki se jij prensipal ki te kondane ansyen prezidan Brésilien an Lula Da Silva, ki te dwe youn nan kandida eleksyon sa k sot’ pase yo nan peyi Brésil, ap fè gwo pale anpil nan peyi a, paske se Jij Moro ki nome kòm minis jistis sou nouvo gouvènman Bolsonaro a.

Yon pòs kote Sérgio Moro pral gen pou li chita plis sou sipèvize lit kont krim òganize ak koripsyon. Moro se youn pami pèsonalite ki te devan bann lan lè fòs lòd yo tap mare moun ki tap benyen nan koripsyon nan lane 2014, ki te voye ansyen prezidan Bresil la Lula Da Silva al reflechi dèyè 4 miray pou 12 lane, pou koripsyon ak blanchiman lajan.

Gen moun nan peyi Bresil ki wè anprizònman sa kòm yon règleman kont, pou Lula pat gen chans al kandida ankò, anpil nan manm pati travayè yo tankou Senatè Gleisi Hoffman wè nominasyon jij Moro kòm minis jistis kòm “Fraude du Siècle”, sou kont Twitter l, li fè konnen se paske Lula nan prizon ki fè Bolsonaro rive prezidan.

Moro pral gen pou li okipe l’ de pwoblèm ensekirite, pakse se plis pase 64000 moun ki te mouri lane pase, sa rete yon rekò pou peyi Bresil atravè lemond nan rapò Homicides.

Moro pral gen pou sipèvize lapolis federal, polis woutyè, sistèm penitansyè ki regwoupe dè milye anplwaye.

Laisser un commentaire