ActualitésAn KreyòlÉconomienetalkole

AN KREYÒL – HAITI – EKONOMI : « Dédollarisation » ekonomi nasyonal la pa sispann pwovoke reyaksyon

Thomas Lalime
567views

Ekonomis Thomas Lalime, di revizyon arete dédollarisation premye Mas ki te soti sou gouvènman Moïse – Lafontant pral fè leta  pèdi kredibilite li ak pèdi konfyans sektè ekonomik la.

Ekonomis la poze kesyon sou rezon ki fè Leta pa panche sou aplikasyon areta sa pou tout enstitisyon te afiche pri tout pwodui yo an goud la avan menm yo te soti areta a?
Thomas Lalime raple leta te di ta pral gen sikilè men pèsòn pa janm wè sikilè sa.

Thomas Lalime di : lè gen yon mezi kote premye minis la, gouvènè bank santral, minis finans, minis komès te la epi 7 mwa aprè yon konseye prezidan rann yo kont ke preskription arete sa pat twò byen chita nan reyalite sektè ekonomi nasyonal la.

Li di li menm kòm ajan ki nan sektè ekonomi an, lè yo wè se menm antite Leta sa yo ki pral pran desizyon eske yo pap di tèt yo, pito yo tann yon 6, 7 mwa pase avan pou yo pran desizyon sa o serye.

Sa vin poze yon gwo pwoblèm kredibilite, nan kesyon finans mo kle a se konfyans dabò.

Epi sak pral kreye konfyans la se kredibilite otorite yo e sak pral fè otorite yo kredib se lè yo anonse yon desizyon, li se yon desizyon ki te byen reflechi tèt poze.

Menm si nan yon premye tan ki pa ta ale nan enterè moun yo sa yo rele enterè imedya yo.

Lè se desizyon ki byen pran tan pou yo soti lè sa pap gen wout pa bwa se aplike li wè pa wè men li twouve te gen fot mache prese nan dosye sa.

Li fè konnen BMPAD di li gen yon mas goud nan men li bagay li jije ki trè grav. Koz se paske tout moun ki anafè avèk BMPAD se an goud yo te oblije peye e kòmande, poutan PMPAD majorite kòmand li se an dola, pou l pa di tout kòmand li, se sa ki konn koz rate gaz sou mache a.

Gouvènman an pa gen lechwa se revize dekrè a. Di a responsab yo pran tan yo pou analize mezi yo pral pran ki konsekans sa pral bay sou ekonomi an.

Ekonomis la di si te gen refleksyon ki te fèt sou mezi daplikasyon sikilè yo avan menm yo te soti dekrè premye Mas la, yo tap gentan wè kot pwoblèm yo ta pral ye.

Li mande yon chita pale ak operatè nan sektè ekonomi an. Paske se pa sèl sektè pwodui petolye yo ki ta merite yon ti leve men nan nouvo arete sa ki pral soti a se dives sektè.

NetalkoleEkonomis Thomas mande eske sektè pwodui petwolye yo se sel sektè ki bezwen yon tretman patikilye? Sou kiyès dezisyon  sa pral enpoze li veritableman?

Leave a Response