+509 41 21 7131 revitallynch@netalkole.com
Actualités LocalesAN KREYÒLJUSTICEnetalkole

AN KREYÒL – JISTIS : Avoka barreau de Port-au-Prince yo egzije arestasyon ak revokasyon

Avoka Barreau de Port-au-Prince mande arestasyon Belson Soljour ak demisyon mèt Ocnam

Avoka yo nan barreau de Port-au-Prince gen gwo fristrasyon, yo reyini vwa yo fè yon sèl pou mande revokasyon Mèt Ocnam Clamé Dameus nan tèt pakè a epi ekzije prese prese arestasyon Direktè jeneral depmantal lwès la Berson Soljour.

Yon diskisyon ki te kòmanse ant kèk polisye ak 2 avoka semèn pase a plis sa ki rive ant Direktè jeneral depmantal lwès la, Berson Soljour ak grefye anchèf pakè a Wilbert Rhau, se dènye gout dlo ki ranvèse vaz bif lapolis ak lajistis.

Nan yon rankont mèkredi 10 oktòb la, ki dire plis pase 12 èdtan, avoka yo nan barreau de Port-au-Prince mande demisyon Mèt Ocnam ak arestasyon san pèdi tan Direktè jeneral depmantal lwès la Soljour.

Avoka yo di yo ap kanpe travay jous ka 15 oktòb ki ap vini la. Yo fè konnen se Ocnam menm ki te rele direktè jeneral depmantal lwès la desann nan palè a ki koz tout eskonbrit sa pete.

Mèt Mario Delsi manm konsèy lòd la nan bawo a di sa ki rive a dwe sèvi yon leson a tout moun ki gen ide kreye latwoublay nan peyi a.

Li mande Premye minis Céant ak minis jistis la pa kite sityasyon an pi grav pou li pa dejenere.

Li mande tou konsèy siperyè PNH la yon rankont prese prese avèk yo pou jwenn yon solisyon enstitisyonèl.

Sityasyon tansyon sa te kòmanse nan kafou Gerald Bataille ant kèk polisye ki tap fè eksè de zèl ki te nan gwo bouch louvri ak 2 avoka, jounen jodi a bagay la konplike anpil.

Laisser un commentaire