+509 41 21 7131 contact@netalkole.net
NewsAn KreyòlEconomynetalkole

AN KREYOL – Ekonomi : Pwojè Lwa Finans pou egzèsis fiskal 2018-2019 la resi depoze nan palman an

Ronald Décembre, Budget 2018 - 2019

Minis Ekonomi ak finans lan, Ronald Décembre, depoze ofisyèlman, madi 11 desanm nan, pwojè Lwa Finans pou egzèsis fiskal 2018-2019 la. 172.8 milya goud se kantite lajan ki prevwa nan bidjè sa, daprè minis ekonomi ak finans lan ki presize sektè sosyal la se priyorite gouvènman an.

Pandan egzèsis 2018 – 2019 la, gouvènman an prevwa konstwi 40 sant sante nan 40 seksyon kominal peyi a. Responsab sante yo pral achte 30 anbilans pandan peryòd sa tou, daprè Ronald Décembre. Minis la fè kwè Fon Asistans Ekonomik ak Sosyal la (FAES), pral egzekite plizyè pwogram sosyal pou soulaje popilasyon an.

Nan menm bidjè sa, Leta prevwa 4 milya goud pou pèmèt ogmantasyon ak ajisteman salè minimòm anplwaye administrasyon piblik yo. Gouvènman an dispoze 2.5 milya goud pou konpayi k’ap vann pwodui petwolye yo pou yo kapab konble defisi epi peye 2 milya goud dèt, daprè minis Décembre.

Òganizasyon eleksyon pandan ane 2019 la se yon priyorite tou pou gouvènman an. Leta prevwa 40 milyon dola vèt pou fè kat idantifikasyon nasyonal ak paspò.

Pwojè Lwa Finans pou egzèsis fiskal 2018-2019 la te deja depoze nan palman an, men li te retounen al jwen gouvènman akoz evènman 6, 7 ak 8 jiyè yo ki te pouse pouvwa a tounen sou desizyon pou monte pri gaz la.

Leave a Response

Revital Lynch
Professeur, Technicien supérieur en Informatique, Journaliste multimédia, Web-entrepreneur, Photographe, Rédacteur de projet, Ghostwriter... Directeur de l'agence de presse Netalkole, PDG de Cho9...