+509 41 21 7131 contact@netalkole.net
ActualitésAn Kreyòlnetalkole

AN KREYOL – Aktyalite : konfli ouvè ant Meri Wanament ak direksyon Depatmantal Nòdès MTPTC

Meri vil Wanament la, nan depatman nòdes peyi a fè konnen vandredi 30 novanm nan, yo kanpe sou brenzeng yo pou egzije direktè depatmantal nòdès nan ministè travo piblik transpò ak kominikasyon (DNE/MTPTC) an pou li bay rapò ak eksplikasyom sou reyalizasyon travay renovasyon ak konstriksyon wout ki tap fèt nan sant vil Wanament la.

Nan yon lèt meri a te voye bay direktè depatmantal la, Guy Holly Ambroise, depi 23 novanm pase a ki pa janm di Konsèy minisipal meri Wanament la ki mò ki te touye lanperè. Kote meri tap egzije direktè a bay meri rapò sou kisa 70 milyon goud sa regle nan komin nan.

Nan lèt sa majistra prensipal vil Wanament la Luma Dénétrius ak akolit li yo menase kanpe travay yo si Dirèktè depatmantal MTPTC a pa founi tout detay bay otorite minisipal yo nan yon delè ki pa dwe depase 5 jou.

Luma Demetrius di lèt iltimatòm sa ki al jwen direktè depatmantal MTPTC a se swit ak silans direktè depatmantal MTPTC, Guy Holly Ambroise fè sou dosye sa, malgre tout apèl telefòn li bay Dirèktè a pou klarifye kèk bagay sou dosye sa.

Nan non konsèy minisipal lap dirije a, majistra Luma Demetrius di li detèmine pou li jwen esplikasyon sou travay renovasyon ak konstriksyon wout kap fèt nan komin l’an.

Pou fini li di se paske Dirèktè depatmantal nòdès MTPC a pa respekte otorite lokal yo nan Wanament, ki gen 70 milyon goud ki dekese pa ministè planifikasyon ak koperasyon ekstèn (MPCE)pou reyalize travay nan komin Wanamannt e se MTPTC ki gen jesyon lajan sa.

Leave a Response