+509 41 21 7131 contact@netalkole.net
ActualitésAn Kreyòlnetalkole

AN KREYÒL – Diplomasi : Kenneth Merten deklare Etazini pa patizan vyolans

Diplomat ameriken Kenneth Merten, sou sekretè deta nan depatman deta pou Canada, Amerik latin nan ak karayib la, te reponn kesyon jounalis sou sityasyon klima tansyon Ayiti ap viv la. Manifestasyon ki ap fèt kont pouvwa tèt kale a, mounvman PetroChallenge la.

Peyi Etazini pa renmen wè vyolans, pa remen wè derapaj, li di moun ki gen pwoblèm ak gouvènman an gen dwa manifeste san vyolans, men lè se zak kraze brize k’ap fèt, sa yo pa bon pou Ayiti, paske Ayiti bezwen moun vin envesti ladan pou kreye djòb e sektè prive ayisyen an bezwen lapè ak lòd pou moun fonksyone.

Kòdonatè espasyal pou Ayiti nan depatman deta di Otorite ameriken yo enfòme de sityasyon kap dewoule nan peyi a, yo menm yo la pou pote èd ak anplwaye anbasad la ak sitwayen ameriken k’ap viv an Ayiti a.

Kenneth Merten di gen yon gouvènman ki la, gen  yon palman, gen CASEC, ASEC elatriye tout moun sa yo se eli, se nan eleksyon yo soti, se yo ki gen responsablite pou mennen bak peyi a.

Diplomat la di li satisfè de travay ajan lapolis yo ap fè pou kenbe yon klima lapè nan peyi a. Li admèt ke tout peyi gen koripsyon nan nivo pa yo e Ayiti pa peyi pi konwonpi a.

Se leta ki pou degaje-l pou fè limyè sou kijan lajan PetroCaribe a te depanse, li di PetroCaribe a se pa yon bagay kounye a men ki gen plizyè gouvènman ki pase kote-l site gouvènman Rene Preval la.

Li di moun yo dwe mande sa san vyolans, gen moun ki ap eseye manipile dosye sa pou fè kapital politik yo.

Li presize depi gen gouvènman fòk gen opozizyon, se poutèt sa yo òganize eleksyon pou lè yon moun pa satisfè pou l ale nan eleksyon pou ranplase lòt moun nan.

Kesyon li poze tèt li : “èske se plis dezòd ayisyen renmen oubyen plis envèstisman ak kreye djòb yo vle?

Anbasadè a di gen anpil manm nan gouvènman ki ta vle wè plis djòb kreye plis devlopman men sa ap fèt piti piti lantman.

Leave a Response