+509 41 21 7131 contact@netalkole.net
ActualitésAn Kreyòlnetalkole

AN KREYÒL – Dosye Arestasyon Andrécite Cadette : Reyaksyon Depite Déus Déroneth

Deus Deroneth

Depite Marigot a Déus Déroneth reyaji jedi 29 la nan mikwo laprès pou l te bay tout detay sou anplwaye chanm depite a Andrécite Cadette lapolis te arete, yon ajan sekirite palman an ki detache avèk li.

Nan ri Lamarre, jounen ki te mèkredi 28 novanm lan, lapolis nan Pétion Ville te arete ajan sekirite palman an ki detache ak depite Marigot a Déus Deroneth, aprè ajan sekirite Andrécite Cadette te fè yon aksidan.

Byen vit lapolis te rive sou plas pou pwosede a arestasyon ajan sekirite rapwoche depite a, aprè li te refize desann machin li, kote li te reklame prezans yon jij, lè jij la vini aprè konsta, jij la jwenn ajan sekirite Andrécite gen an posesyon li yon zam ilegal ki pou yon polisye, yo te dezame nan lane 2016. Enfòmasyon enspektè polis Pétion Ville la Gospel Mondélus konfime.

Nan mikwo laprès, depite a di  se yon moun li konnen tout fondamantal li, li konn fanmi misye trè byen, e se sou rekòmandasyon pa li palman an te arive anplwaye li kòm ajan sekirite e afekte li a sekirite rapwoche li.

Sou kesyon zam ilegal kap pale a, lapolis jwenn sou ajan Andrécite Cadette a. Prezidan komisyon pèmanan enteryè ak kolektivite tèritoryal nan cham depite a di : palman an kòm enstisyon ta dwe bay tout ajan yo zam men se pa sak fèt, menm lajan pou achte zam pou ajan yo palman an, pa gen kòb disponib pou sa.

Depite a fè konnen li menm pou valè demach li fè pou li te ka achete yon zam sa pa janm abouti. Li fè konnen li pa okouran si Andrécite Cadette te gen zam, paske Andrécite te di Depite a li gen pwoblèm zam depi yon mwa.

Kesyon depite a ap poze èske se pa nan tout enstitisyon peyi a, Leta pa gen kontwòl okenn zam? Paske Ayiti twouve l’ nan yon mache enfòmèl dameman tèt chaje.

Depite Déroneth di nouvèl sa choke li anpil, lè li te aprann nouvèl arestasyon sa, paske premyèman, li pat okouran si Andrécite Cadette te gentan ranplase zam li te di li ki deranje a, ou dismwens si li te gentan ranje li. Dezyèmman, bagay ki pi rèd la, se ak zam PNH pèdi mouche Andrécite Cadette tap sikile dèyè do li.

Sa li pa ka konprann, poukisa yon mache prese ap fèt nan dosye sa? Si se peyi a ki chanje bravo pou sa. Li wè lajistis aji vit yo pa pran plis ke 2 minit pou yo gentan bay rezilta byen rapid pou idantifye zam nan e pwosede ak arestasyon an byen rapid.

Kesyon l’ap poze toujou, èske sa pa sityasyon tout ajan sekirite ki afekte ak yon palmantè ki nan menm sityasyon ak ka ajan li a? Kòm li pa plase pou pale de dosye zam nan palman, gen yon biwo nan chanm nan, palman gen yon prezidan nan tèt li, li pa ka bay plis detay sou sa.

Pou li fini, Depite Marigot a Déus Déroneth fè konnen li pa gen okenn pwoblèm ak lajistis lè l’ap fè travay li. Li menm wòl li kòm palmantè se kesyon, veye si tout enstitisyon Leta yo ap mache byen, sitou zafè ki konsène ministè enteryè ak kolektivite teritoryal. Nan dènye moman, li fè konnen li menm li prè pou li reponn kesyon si tou fwa lajistis ta enplike li nan dosye sila.

Leave a Response