+509 41 21 7131 contact@netalkole.net
ActualitésAn KreyòlÉconomie

AN KREYÒL – Ekonomi : “Kredi Atè Plat” nouvo pwogram gouvènman Moïse-Ceant an lanse

Jovenel Moise

Minis komès ak endistri a Ronell Gilles lanse ofisyèlman “Kredi Atè Plat” la, jedi 29 novanm lan nan palè minisipal Dèlma a an prezans prezidan repiblik la Jovenel Moïse.

Se 1200 moun k’ap benefisye pwojè pilòt sa ki derape nan Lwès avan. Se moun ki soti nan katye pòv kap jwen kredi sa, ki gen pou objektif redui eksklizyon finansye nan peyi a, pou soutni nan yon ti tan kantite moun ki nan sityasyon ekonomik difisil.

Nan diskou sikonstans prezidan repiblik la, li renouvle angajman ak volonte li genyen pou redui kantite moun ki pap travay e pou ogmante kantite kòb yon ayisyen genyen pou li fonksyone. Li souliye pwogram sa pral pèmèt pousantaj moun ki gen aksè ak kredi nan peyi a pral ogmante.

Prezidan repiblik la, Jovenel Moïse, anonse ONA pwal bay 25 mil goud, ak 20 mil fanm a 1% enterè, nan menm Kredi Atè Plat la, kap kòmanse nan mwa desanm ki ap vini la. Prezidan repiblik la ankouraje benefisyè yo pou yo byen jere lajan yo pral resevwa a pou pèmèt ONA elaji pwogram sa. Prezidan an te pwofite okazyon sa tou pou fè pwomès ak etidyan leta yo kote li anonse ONA Etidyan pou tout etidyan inivèsite leta yo nan jou ki ap vini la.

Bò kote pa li, minis komès ak endistri a k’ap mennen pwogram sa souliye, ministè a bay chans a tout kouch nan sosyete a ki vle monte pwòp antrepriz li, pwòp ti biznis li. Daprè minis komès ak endistri a kredi sa se yon estrateji gouvènman an mete an plas pou moun ki bezwen reoryante yo vè yon sitwayen responsab, endepandan ekonomikman.

Kredi Atè Plat la jwen finansman nan kès leta pou yon valè 50 milyon goud kote chak benefisyè ka jwen 50 mil goud, to entere 5% chak lane. Aprè lansman ofisyèl sa ki fèt nan Lwès, “Kredi Atè Plat” pral gaye sou tout tèritwa peyi Dayiti.

Leave a Response