+509 41 21 7131 contact@netalkole.net
ActualitésAn Kreyòlnetalkole

AN KREYOL – Jistis – Ensekirite : Bandi krible ak bal kay jij Dieunel Lumérant, jij dosye kagezon zam nan

Nan lannwit jedi pou louvri vandredi 30 novanm nan bò 2è nan maten, bandi krible ak bal kay jij Dieunel Lumérant, jij ki sou dosye kagezon zam ki te debake Saint Marc la, nan depatman Latibonit.

Se nan menm dosye sa ansyen dirèktè jeneral polis Nasyonal Dayiti a Godson Orelus fèmen nan prizon sivil Saint Marc depi plis pase yon mwa.

Nan kad menm dosye sa gen manda ki lanse dèyè ansyen minis enteryè ak kolektivite teritoryal la, Reginal Delva, ki gen mon li kòm moun ki enkilpe nan menm dosye sila.

Daprè sa yon pot paròl la Prezidans fè konnen, kòdonatè jeneral sekirite jeneral pale nasyon la, Vladimir Paraison jwen revokasyon l’ nan menm dosye kagezon zam sa.

Jij de pè, jiridiksyon Saint Marc la, deja pwosede ak konsta zak bandi yo fè sou kay jij Lumérant.
Ki gen chanm kote li dòmi ak machin li ki krible ak bal.

Jij Dienel Lumérant fè konnen bandi yo tap siveye l’ paske se pa yon kay li gen abitid dòmi chak swa.

Pou kounya kay jij Lumérant sou gwo siveyans sekirite lapolis.

Jij Lumérant di wòl li etan responsab se pou rann popilasyon an sèvis.
Zak sa pa ka enfliyanse desizyon li ki pa lwen soti sou dosye sa.

Nan mikro lapres jij la pat vle bay twòp detay, sou moun ki gen manda sou menm dosye kagezon zam nan, kote li di se lapolis ki gen misyon pou egzekite manda si ta genyen manda ki lanse.

Li pat an mezi tou pou konfime idantite bandi yo, si  yo te apye, nan machin oubyen sou moto.

Jij Lurémant konfime li te toujou ap resevwa menas lanmò ak tout sekirite ki pi pwòch li a. Men li rete fèm kanta a fè limyè sou dosye kagezon zam sa.

Li pa pè pou sekirite l’, li lage sa nan men Bondye lavi a, Bondye pwotektè a, fini pou l’ di se lajistis ki leve tèt yon nasyon si pa gen jistis pa gen peyi.

Leave a Response