+509 41 21 7131 contact@netalkole.net
ActualitésAn Kreyòlnetalkole

AN KREYOL – Jistis : Pwosè Clifford Brandt la ak akolit li yo fin tounen yon lago

Clifford Brandt

Pwosè Clifford Brandt lan ak akolit li yo ki te dwe fèt madi 27 novanm lan selon komisè gouvènman Gonaives la, mèt Serard Gasius, repòte yon lòt fwa pou madi 4 desanm.

Clifford Brandt ak akolit yo, Carlo Bendel Saint Fort ak Ricot Pierre -Val dwe nan jiridsyon Gonaïves la 2 jou davans daprè sa kòmisè a fè konnen pou pwosè a fèt finalman.

Tout bagay te gentan aranje sèlman prizonye yo ki pat prezan. Rezon otorite yo bay, se sekirite malfra yo ki pa-t garanti pou desann Gonaïves.

Pou rapèl, Clifford Brandt ak akolit li yo te jije deja kòm kriminèl, se yon lòt jijman ki pral fèt pou yo Gonaïves pou ba yo vrè Santans yo.

A chak fwa pou jijman sa fèt yon pwoblèm rive, yon fwa se te pwoblèm administratif epi kounye a se sekirite prizonye yo pa garanti pou rive Gonaïves.Netalkole

Finalman èske dat 4 desanm nan ap kenbe pou jijman sa fèt jan lalwa mande? Komisè a di fòk peyi a stab, se sèl dat 4 desanm lan k’ap gen dènye mo a… Jijman Clifford Brandt sa se yon dosye pou suiv.

Leave a Response