+509 41 21 7131 contact@netalkole.net
An KreyòlCulturenetalkole

AN KREYOL – KILTI : Suspens Rabòday PA KITE fanatik li yo

Suspens Rabòday

Aprè yon bon bout tan depi yo te tonbe nan silans, Suspens Rabòday retounen. T – Garry, Zoekeymot, ak Smoggy se twa (3) chantè sa yo kap kenbe gwoup rabòday sa depi apre Beat Maker yo G-Dolph te kite sa poul al fòme yon lot gwoup ki se Suspens Crew.

Nan yon ti pale redaksyon Netalkole a te fè ak T – Garry, jounen 5 oktòb la, li fè nou konnen Suspens pat janm sispann travay, yo te toujou al pèfòme nan plizyè pwogram nan peyi a.

Mois Kréyol

Atis la te reponn kesyon sou PA KITE’M, nouvo mizik gwoup Suspens Rabòday fenk mete deyò la. Li fè konnen se yon okazyon pou montre fanatik yo gwoup la toujou la. Suspens Rabòday pat kanpe e li pap kanpe.

Nan mizik sa, se kòmsi Suspens ap mande fanatik yo pou yo pa kite yo, pou yo pa bliye yo. Lòt remak, mizik la fèt sou baz mizik afro epi pa gen betiz jan anpil gwoup rabòday renmen fè l.

T – Garry fè konen gwoup la nan estidyo ap prepare nouvo mizik yo pral soti nan yon ti tan ki pap two long.
Pandan tan sa, li mande fanatik yo pou yo pa sispann tande ak pataje mizik la.

Leave a Response