+509 41 21 7131 contact@netalkole.net
ActualitésAn Kreyòlnetalkole

AN KREYÒL – Politik : Anons Prezidan Repiblik la sou TNH nan okazyon 215 lane Batay Vètyè

Jovenel Moise - 18 Novanm

Nan okazyon selebrasyon 215 lane batay Vètyè a prezidan Repiblik la, SEM Jovenel Moïse, nan yon adrès ak nasyon an bò 9è nan maten sou televizyon nasyonal la (TNH), dimanch 18 novanm nan, fè apèl ak dyalòg ak inite nasyonal.

Li fè konnen “lè batay la fini”, jodi a se lè pou-n mete tèt ansanm pou kase chèn soudevlopman, chèn blakawout la, chèn lamizè ki fè anpil nan nou bliye sa nou ye. Se lè pou nou kowopere pou-n bati yon Ayiti ki fè fyète zansèt nou yo, yon Ayiti ki fè fyète nou, pitit nou ak pitit pitit nou.

Prezidan an mande pou kiltive lespri Vètyè a, pou nou rete kole youn ak lòt, mete tèt ansanm pou bati yon pi bon Ayiti kote ayisyen ap viv pi byen, “an nou mete tèt ansanm menm jan ak zansèt nou yo nan Vètyè, pou chak moun sou bout tè sa a ka viv tankou tout moun.”

Prezidan te depoze yon jèb flè nan pye moniman ewo yo anndan MUPANAH, nan prezans premye Minis Céant ak wo eta majò lame a, ak prezidan sena Repiblik la, tout te prezan nan seremoni modès sa ki pat dire anpil tan.

Gen yon aksyon ki te pase ant kèk militan ki te sou plas toupre MUPANAH a, ki te fè plizyè kout wòch sou machin prezidan sena repiblik la Joseph Lambert ki tap kondui, aprè-l te tante rapwoche militan sa yo ki te move kou Kong.

AL LI TOU : NATIONAL – Politique : Jovenel Moïse honore les héros de Vertière à distance

Leave a Response