+509 41 21 7131 contact@netalkole.net
ActualitésAn Kreyòlnetalkole

AN KREYÒL – Politique : Ansyen Senatè Jean Hector Anacasis Reyaji sou zafè Moïse Jean-Charles ki monte drapo nwa e wouj nan plas ble e wouj la

Anacacis Jean Hector

Ansyen senatè Lwès la, Jean Hector Anacacis deklare nan mikwo laprès : aksyon ansyen senatè nò a, opozan fawouch pouvwa tèt kale a, Moise Jean Charles, se pa yon zak kèlkonk, se yon aksyon politik pèsòn moun pa ka kouri entèprete-l nenpòt kòman, ni reyaji nenpòt kòman.

Li fè konnen, yon aksyon politik dwe regle politikman. Sila yo ki jiris, avoka pa tap gen lòt opinyon ke kanpe dèyè lalwa.

Chèf pati politik LAPEH a, remonte listwa pou li jistifye zak Moïse Jean-Charles fè a. Sou lòd Moïse Jean-Charles, yon moun monte tèt ma drapo ki sou tèt moniman Vètyè yo ranplase drapo ble e wouj la pa nwa e wouj.

Yon jès ki trennen dèyè-l anpil reyaksyon ki vle pase devan aktyalite “kote kòb petrocaribe a ?” Konsa li anonse gwo manifestasyon ki gen pou mangonmen jounen istorik 18 novanm kap vini la.

Christophe te kanpe nan nò li monte drapo pa li, Pétion te monte pa li nan lòt bout peyi a. Se menm listwa a ki ap kontinye tankou peyi Libye, kote te gen anpil nèg ki te pran zam kont Kadhafi, yo te desann drapo Libye Mouammar Kadhafi a pou mete drapo pa yo.

Listwa di Kadhafi te reyaji trè mal olye li te fè negosyasyon ak rebèl yo alepòk. Pou rapèl, 20 oktòk 2011, Kadhafi mouri nan Syrte Libye. Se menm bagay nan peyi Syrie k’ap repete, kote ameriken, fransè ak anglè te mete zam nan men moun pou desann drapo Syrie a epi mache pran tèritwa prezidan Bachar El-assad tap dirije a. Si se pat èd ak konkou militè peyi la Russie, prezidan ki nan tèt peyi Syrie a depi lane 2000 la ta ka menm pèdi lavil’.

Nèg Cayes-Jacmel la, di tout zak politik yo, jwenn fondman nan zak jiridik yo. Li site egzanp 2004, lè Guy Philippe te pran zam sou fontyè a pou te mache fè lòbèy pat yon zak legal, ni ki te kadre ak lalwa, ki te debouche sou voye ale prezidan Jean Bertrand Aristide men, ki te jwenn aplodisman anpil moun nan pèp la. Paske pa laswit ta pral gen yon yon prezidan yon premye minis ki pran tèt peyi a legalman. Pwovizyon legal sa yo te vini aprè pou te kore zak politik ki te fèt byen avan yo.

Kidonk yon zak politik toujou debouche sou yon zak jiridik, se pa aji an tèt cho, ni kanpe dèyè lalwa, si tout fwa nou ta arete Moïse Jean-Charles jan lalwa di a n’a wè sak ka pase.

Zak politik yo gen sans yo lè yo fèt, se yo ki pral kore zak jiridik yo. Si nou pa wèl nan sans politik ebyen aplike lalwa arete Moïse Jean-Charles pou wè si peyi Ayiti pa vire tèt anba.

Anacasis kontinye pou li di se pa sèlman yon kesyon de voye Jovenel Moïse ale sèlman men se pran tout aksyon politik ki poze poun’ rezoud yo politikman nan tèt ansanm sou soti peyi Ayiti sou bouch twou lap plonje la.

Leave a Response