+509 41 21 7131 contact@netalkole.net
ActualitésAn Kreyòlnetalkole

An Kreyòl – Pwosè Clifford Brandt ak akolit li yo ranvwaye aprè odyans

Pwosè Clifford Brandt ak akolit li yo ki te demare madi pase a ap kontinye madi 11 desanm k’ap vini la a, daprè mèt Sérard Gasius chèf pakè Gonayiv la.

Mèt la fè konnen se akòz te gen plizyè lis temwen ki te nan sal odyans la, ki lakòz tribinal la ranvwaye jijman an sa pou madi 11 desanm k’ap vini la.

Komisè gouvènman Gonayiv la presize non tout temwen yo te dwe nan yon sèl lis, kote te gen 2 lis temwen ki tap sikile, li deklare li pral ekri temwen yo pou yo kapab prezante nan tribinal la madi 11 k’ap vini la, e l di moun yo pa prezante li paka al fouke moun yo lakay yo pou fòse yo vini.

A raple Fanmi Moscosso, Clifford Brandt te kidnape 2 nan pitit yo pat prezante ditou nan tribinal la.

Desizyon tribinal la obsève yon sispansyon odyans ki gen pou kontinye madi 11 desanm nan tribinal kriminèl  Gonayiv.

Leave a Response