+509 41 21 7131 contact@netalkole.net
An KreyòlnetalkoleSport

AN KREYÒL – ESPÒ : Antrenè seleksyon baskètbòl Ayiti a pral asistan nan yon ekip nan NBA a

Matt Brase - antrenè seleksyon Baskètbòl Ayiti

Matt Brase, antrenè an chèf seleksyon Baskètbòl Ayiti a pral asistan kotch nan Houston Rockets, yon ekip ki le 2 koup nan NBA ak 4 tit konferans.

Nan yon nòt ke federasyon an lage sou paj ofisyel li, li felisite antrenè a.

Ayiti ap viv yon bèl moman nan listwa baskètbòl li, kote yo fenk sot chanpyon nan baskèt 3/3.

Houston Rockets ki gen yon potorik gason k’ap antrene pa yon coach referans nan NBA a, Mike D’Antoni pral benefisye sèvis manadjè seleksyon Ayiti a.

Yon jèn antrenè ki gen 36zan, pral mete eksperyans li nan sèvis yon ekip ki ekri non l de fwa deja nan tèt Baskètbòl American (NBA) nan lane 94 ak 95.

Mach pa mach Matt Brase ap monte. An 2015, li te antrenè Vipers Rio Grande Valley, nan G-League, sa yo konsidere kòm 2zyèm divizyon baskètbòl Ozetazini.

Li la tou pou ede poze lapat sou kèk grenn jwè k’ap jwe nan kolèj, aletranje ak lòt jwe kap jwe nan NBA a pou Houston.

Ayiti gen randevou entènasyonal kap tann li 6 ak 7 oktòb k’ap vini la, pou l patisipe nan koup tizanti yo nan baskètbòl 3/3.

Daprè sekretè jeneral federasyon an Steve Policare, pako gen sipò lajan pou delagasyon an fè deplasman sa.

Pou koulye n’ap bat bravo lakontantman pou gwo pwomosyon sa Matt pran.

 

Leave a Response